Майсарат Мусаевалъул эмен Камил ГIусманхIажиев 1972-1976 соназда хIалтIана Гъунив РОВДялъул начальниклъун. Гьелде щвезегIан гьев вукIана республикаялъул лъадал милициялъул нухмалъулевлъун (гьанжесеб Рыбнадзор), хIалтIана ОБХССалда. Гъунив нальниклъун хIалтIулелъул, Камил щвечIеб росу хутIун букIун батиларо районалда. Хъата-масан жанир тIамун такъсирчагIигун, жиндиего цIар балагьун, сундулниги ахIи бахъинабизеги гIедегIулароан гьев. Гьелъул гIаксалда, чи битIараб нухде ккезавулеб хабар бицунаан.